Futbollistët shqiptarë të KF Liria nga Aarau e Zvicrës kanë realizuar ëndrrën e tyre. Klubi shqiptar pas fitores prej 5:1 ndaj FC Kulm është shpallur kampion i ligës së katërt në kantonin e Aaraus dhe është ngjitur në ligën e tretë të Kantonit të Aargaus.
Ky sukses është historik për një klub modest shqiptar, por krenar me lojën dhe organizimin brenda saj. Golat për Lirinë i shënuan: Artan Zmajlaj, Florian Palushi, Mërgim Murtezi, Serkan Sariyar dhe Flamur Nuhiu.
Pas përfundimit të ndeshjes ka shpërthyer festa në mesin e lojtarëve, stafit teknik dhe shikuesve të pranishëm. Gëzimi ishte i papërshkrueshëm , pasi gjithçka ishte fantastike.