Ronaldinho sot nga të gjithë tifozët e Barcelonës cilësohet një mit.
Me brazilianin në skuadër, katalanët kanë arritur suksese të mëdha, duke dominuar Spanjën dhe Evropën.
Por, është interesante mënyra e transferimit të Ronaldinhos te Barcelona.
Është ish presidenti i Barcelonës që zbulon rrjedhën e kësaj ngjarje, që si përfundim solli transferimin e Ronaldinhos në ‘Camp Nou’ nga PSG.
Laporta ka zbuluar se Barcelona atëkohë ishte e interesuar të nënshkruante me David Beckhamin apo Thierry Henryn, dhe se Ronaldinho ishte zgjedhja e tretë.
Ai shton se edhe pse patën një marrëveshje me Unitedin, ata vendosën ta shesin Beckham te Real Madrid, dhe Barcelona në moment të fundit transferoi Ronaldinhon.
