Njëri nga zbulimet e vitit të kaluar në Real Madrid, padyshim që ishte Marco Asensio.
Sulmuesi anësor shkëlqeu me fanellën e Real Madridit duke shënuar gola të rëndësishëm.
Reprezentuesi spanjoll kësisoj ka zgjuar interesimin e skuadrave të mëdha evropiane të cilat duan transferimin e tij.
Manchester United, Arsenal dhe Juventus janë tri skuadrat që kanë tentuar transferimin e tij.
Por sipas të përditshmes ‘Don Balon’, Real Madridi ka refuzuar ta lë të lirë yllin e tyre.
Për 21-vjeçarin ‘Los Blancos’, kanë refuzuar çdo lloj bisedime dhe oferte nga skuadrat e lartpërmendura.
Kësisoj Asensio do të mbetet edhe më tej pjesë e gjigantit spanjoll, pasi trajneri Zinedin Zidane llogaritë në shërbimet e tij.
Asensio ka kontratë me kampionët e Evropës deri në qershor të vitit 2022.
