Flamurtari dhe Prishtina takohen në derbin e madh të kryeqendrës në kuadër të javës së dytë të Vala Superligës.
Edhe Flamurtari (Trepça ’89 3:1) edhe Prishtina (Drita 0:1) kanë pësuar humbje në javën e parë.
Rivalët e mëdhenj e kryeqytetit pas vitit 1991, së fundi janë takuar në ndeshjen për Kupë më 26 tetor të vitit 2011 kur bardhekaltrit kishin triumfuar 6:0.
Ndeshja e fundit kampionale para se kuqezinjtë të binin nga Superliga është zhvilluar më 24 prill 2011 – Prishtina kishte fituar 1:0.
Prishtina dhe Flamurtari janë takuar pas luftës në 33 ndeshje zyrtare dhe kuqezinjtë kanë vetëm 6 fitore (5 në fushën e vetë), 9 barazime (7 në fushën tyre) dhe 18 fitore të bardhekaltërve. Flamurtari s’ka fituar asnjëherë me mbi 1 gol epërsi, kurse Prishtina përveç fitores së lartcekur për Kupë, ka edhe fitore prej 5:0 dhe 2:5, raporton FC Prishtina.