Të martën në mbrëmje (sot) nisin ethet e fazës grupore në Champions League në futboll. Sfida më interesante do të zhvillohet në Camp Nou, ndërmjet Barcelonës dhe Juventusit apo dy rivalët që u takuan në çerekfinalen e edicionit të kaluar. Juventusi kërkon sërish rezultat pozitiv sikurse në çerekfinale, kur e kishte eliminuar Barcelonën.
Duhet kujtuar se në Torino kishte fituar Juve me 3:0, kurse në Camp Nou takimi pati përfunduar baras (0:0). Tani gjërat janë më ndryshe, sepse Barcelona nuk e ka Neymarin që ka shkuar në PSG dhe Juventusit i mungon mbrojtësi Bonucci që u transferua në Milan. Në grupin D do të jetë edhe një takim interesant, ku Olympiakos që drejtohet nga trajneri shqiptar, Besnik Hasi, sfidohet nga Sportingu i Lisbonës.
E martë
Grupi A
Manchester United-Basel 20:45
Benfica-CSKA M. 20:45
Grupi B
Bayern-Anderlecht 20:45
Celtic-PSG 20:45
Grupi C
Chelsea-Qarabag 20:45
Roma-Atl. Madrid 20:45
Grupi D
Barcelona-Juventus 20:45
Olympiakos-Sporting 20:45