Trajneri i Barcelonës, Ernesto Valverde ka theksuar se skuadra e tij nuk do ta formojë korridorin e nderit para El Clasicos me Real Madridin.
“Korridori i nderit ishte diçka që bëhej vite më parë si simbol nderi, si vlerësim ndërmjet lojtarëve, atëherë kur futbolli ende nuk e kishte fituar këtë ngjyrë që po ndot gjithçka”, ka thënë Valverde.
“Ne e vlerësojmë Real Madridin dhe ia njohim të arriturat këtë vit”, shtoi ai. “Nuk do ta bëja korridorin e nderit për askënd dhe nuk dua që dikush ta bëjë për ne”, ka insistuar ai.