Trajneri i klubit të futbollit ‘Visioni’ nga Ferizaj, Qerim Shaqiri, pas 28 vjetësh ka kujtuar shumë ngjarje madje edhe të pakëndshme. Sipas tij, ka qenë i burgosur në vitin 1989 për shkak të demonstratave (2 muaji burgim) me këngëtarin e mirënjohur Nysret Muqiqin.
“Në mesin tonë në burg ka qenë edhe këngëtari Nysret Muqiqi, që ka qenë i dënuar edhe ai për demonstrata. Bile kur vinin eprorët (gardianët) shqiptarë, disa u sillni mirë me ne, lejonin që Nysreti të këndoi në qeli edhe këngë patriotike e popullore”, tregon Shaqiri për gazetën kombëtare “Bota sot”.
