Real Madrid po kalon një prej sezoneve më të dobëta në ligën elitare spanjolle.
Krahas klubit madrilen, edhe lojtari më i mirë në botë Cristiano Ronaldo është nën nivelet e mëparshme.
Madje, portugezi kohët e fundit po zëvendësohet prej trajnerit Zinedine Zidane, i cili veproi në këtë mënyrë edhe në minutën e 82-të në sfidën kundër Levantes.
Sulmuesi i Los Blancos është parë të dilte jo i kënaqur nga fusha, i mërzitur për faktin se nuk arriti të gjente rrugën e golit.
Kjo bëri që çdo veprim i lojtarit të përcillet deri në stolin e rezervave, ku në një moment CR7 filmohet duke polemizuar me një kameraman.
"No hay razones. Mira el partido. Apunta la cámara para el partido". La reacción de Cristiano Ronaldo tras ser sustituido en el Ciutat de Valencia. pic.twitter.com/d0FFjo2LBx
— Minuto#0 en Movistar+ (@MovistarMinuto0) February 3, 2018
Në momentin që ky i fundit po fokusonte sulmuesin portugez, Ronaldo është parë t’i thotë përmes gjesteve me duar “Filmo fushën, jo mua!”.
Ndryshe, Reali nuk arriti të rrëmbente tre pikët e plota pasi që barazoi 2-2 me Levanten.
