Roma ndihet më e qetë pas fitores me 1:0 ndaj Veronës dhe tani përqendrohet për sfidën tjetër me 11 shkurt, kundër Beneventos. Mesfushori i Romës, Kevin Strootman, ka thënë se ishte fitore e vështirë, por shumë domethënëse: “Ishte ndeshje e vështirë, në gjysmën e parë mund ta mbyllnim ndeshjen por sërish nuk e bëmë pasi shpërdoruam shumë raste. Edhe me Sampdorinë kemi pasur raste të shumta që nuk i shfrytëzuam. Rasti që humba në fund ishte e pabesueshme por me rëndësi janë tri pikët. Nuk duam të flasim për skuadrat tjera, por duhet të marrim pikët maksimale në ndeshjet e ardhshme që të ngjitemi në tabelë”.