E vërteta lëndon, por kjo duhet për një arsye: reflekton realitetin. Italianët pritën një fitore të madhe kundër Argjentinës, një nga favoritet për të fituar Kupën e Botës së kësaj vere, si për të thënë se ndoshta e kishin harruar eliminimin e ‘kombëtares së tyre nga turneu rus. Për trajnerin e përkohshëm, Di Biagio, Italia është një ekip në ndërtim e sipër, larg nga të rilindurit. Dhe kështu, kundër Argjentinës, fituese edhe pa “shoferin” Messi, e pamë Italinë e vitit 2017, me pak ide, joreaktive dhe ende e kapluar nga zhgënjimi i së kaluarës. Me disa përjashtime, shih Chiesa dhe Cutrone, është i njëjti ekip. Pra, është e pamundur të kërkohet një revolucion i papritur. “E vlerësoj faktin që djemtë janë përpjekur, kemi luajtur kundër nënkampionëve të botës... – tha trajneri italian, Gigi Di Biagio, pas disfatës 2-0 kundër Argjentinës. – Kemi luajtur mirë në pjesën e dytë, kur ne meritonim diçka më shumë. Rezultati është i ashpër”.
Di Biagio po duartroket e lojën e të tijve, por kjo nuk mund ta ndihmojë për të nxjerrë në pah gabimet: “Ne vuajtëm driblimin e lojtarëve të Argjentinës dhe kemi gabuar shumë në ndërtim e sipër. Është e qartë se duhet të punojmë, por sigurisht, nuk do të na fusë në depresion kjo humbje. Po nis një epokë e re. Do të isha më i kënaqur me një humbje 1-0, pa u përpjekur ta barazoj atë”. Në fazat e ardhshme, në miqësoren e radhës, deri në Ligën e Kombeve, e planifikuar të nisë në shtator, kombëtarja italiane do të përpiqet për t’i ndryshuar gjërat dhe për t’u përmirësuar: “Na duhet të kuptojmë dinamikën, të përshpejtojmë operacionin. Për shumë djem, miqësorja me Argjentinën ka qenë eksperienca e parë, të tjerët shumë pak. Ne jemi në një moment të veçantë të sezonit, gjithashtu duhet të vlerësojmë individin. Ne nuk mund të krahasohemi me Brazilin apo Argjentinën”.
Gjendja fizike e Verratit shqetëson për ndeshjen e ardhshme kundër Anglisë: “Ne do të duhet ta vlerësojmë atë në ditët e ardhshme”. Kundër Anglisë, një tjetër ndeshje sfiduese, Di Biagio mund të ndryshojë shumë nga formacioni i parë me Argjentinën. Pritet të bëjë eksperimente, për të kuptuar se çfarë grupi do të ketë në funksion të angazhimeve zyrtare. Për të nisur, pa nxitim të nxituar, rilindjen blu…
