Trajneri Peter Pakult nuk pati në dispozicion dy futbollistë shumë të rëndësishëm ndaj Kamzës, Sindrit Gurin dhe Eni Imamin. Të dy lojtarët munguan për shkaqe kartonësh.
Ata e kanë shlyer pezullimin në ndeshjen ndaj Kamzës, ndaj të dy rikthehen dhe janë të gatshëm për përballjen ndaj Partizanit. Kjo situatë e kënaq trajnerin austriak para kryendeshjes së javës së 29-të, pasi ka mundësi që t’i bëjë llogaritë me sulmuesin më të mirë të skuadrës, si dhe me Imamin, i cili është po një element i rëndësishëm për stafin.
Sërish ekipi nuk do të jetë i plotë, pasi ndaj Partizanit mungojnë Amido Balde, që ka pësuar një dëmtim, si dhe Rustem Hoxha, i cili ka plotësuar numrin katër të kartonëve të verdhë.