Leo Messi kishte fjalë dashurie ndaj Andrés Iniesta në rrjetet sociale
Ylli argjentinas përdori llogarinë e tij të Instagram-it për t’i dedikuar disa fjalë të ngrohta atij që ka qenë shoku i skuadrës, në rang klubi, për dy dekada. Në mesazhin e tij, të shoqëruar nga disa fotografi të të dyve së bashku, Leo tregon falenderimet e tij për Iniesta, për kohën e jetuar bashkë brenda dhe jashtë fushës, duke e përshkruar si “privilegj”, që kanë luajtur në të njëjtën skuadër.
“Andres, ju falënderoj për të gjitha këto vite të futbollit. Ishte një privilegj për ta shijuar këtë sport me ju dhe të kalojnë shumë momente të paharrueshme së bashku. Unë ju uroj gjithë të mirat në këtë fazë të re, në sport dhe në jetë. Ju jeni një fenomen, brenda dhe jashtë fushës. Ju do të na mungoni!”
Orë më parë, Messi, ashtu si Suarez, nuk kishin qenë në konferencën për shtyp të Iniesta, ku njoftoi largimin nga Barcelona në këtë fundsezoni. Versioni që Barcelona dha për të shpjeguar mungesën e të dy lojtarëve është se ata kishin një angazhim privat, që mbivendosej në kohë me “lamtumirën” e Iniesta. Sipas “Mundo Deportivo”, mungesa e Leo Messit ishte për shkak se argjentinasi kishte një takim për të rinovuar pasaportën e tij, të gruaa dhe fëmijëve.
