Futbollisti nga Kosova, Albian Ajeti vazhdon me gola te skuadra e Baselit, e cila si mysafir shënoi fitore me rezultat 4:2 në ballafaqim me St. Gallenin, në ndeshjen e javës së 33-të të Kampionatit të Zvicrës. Ajeti deri me tash ka shënuar 13 gola dhe është i dyti në listën e shënuesve apo ka një me pak se Hoarau i Young Boys-it nga Bernë. Ajeti është inkuadruar në lojë në minutën e 72-të, por i mjaftuan që të realizoi në minutën e 88-të. Elyounoussi (43' e 57'), Campo (70') e Ajeti (88') shënuan për Baselin dhe Buess (8') e Sigurjonsson (61') për St. Gallen. Baseli është në vend të dytë me 65 pikë, kurse St. Gallen renditet në pozitën e katërt me 45 pikë. Zurich dhe Lausanne u ndanë baras (1:1). Frey (53') shënoi për vendasit dhe Monteiro (88') për mysafirët. Toni Domgjoni titullar dhe Mirlind Kryeziu u paraqit nga minuta e 18-të e Izeir Aliu (89’) në radhët e ekipit te Zurich-ut dhe Benjamin Kololli standard dhe Andi Zeqiri futet në lojë në minutën e 64-të dhe Mersin Asllani në atë të 76-tën për Lausannen. Kololli në fund të pjesës së parë u ndëshkua me karton të verdhë. Thuni e mposhti me 2:1 Grasshoppersin. Bujar Lika luajti standard, kurse Nedim Bajrami deri në minutën e 84-të, ndërsa Gjelbërim Taipi u aktivizua në atë të 79-tën për Grasshoppersin.
Liga e Zvicrës
St. Gallen-Baseli 2:4
Zurich-Lausanne 1:1
Thun-Grasshoppers 2:1
Luzern-Lugano 2:0
Sion-Young Boys 0:1
Tabela
1. Young Boys 33 24 6 3 78:34 78
2. Basel 33 19 8 6 64:29 65
3. Luzern 33 14 7 12 45:46 49
4. St. Gallen 33 14 3 16 48:63 45
5. Zurich 33 10 12 11 44:42 42
6. Thun 33 11 6 16 49:63 39
7. Grasshoppers 33 10 8 15 41:47 38
8. Lugano 33 11 5 17 34:51 38
9. Sion 33 8 9 16 44:53 33
10. Lausanne 33 8 8 17 43:62 32
