Pak minuta para fillimit të ndeshjes ndërmjet Lirisë dhe Prishtinës, e vlefshme për javën e parafundit të Kampionatit të Kosovës në futboll, interesimi i tifozëve të skuadrës kryeqytetase është jashtëzakonisht i madh. Numër i madh i autobusëve janë parë të renditur, të gatshëm për t’u nisur drejt Prizrenit.
“Plisat” kanë paralajmëruar përkrahje të madhe, madje e kanë krahasuar me atë të vitit 1983 kur Prishtina ishte inkuadruar në Ligën e Parë të ish-Jugosllavisë. Prishtinën vetëm fitorja në Prizren e mban në luftë për titullin e kampionit.
