Griezmann në mbrëmjen e tij, Atletico fiton Europa League - Bota Sot
Griezmann në mbrëmjen e tij, Atletico fiton Europa League

Futboll

Griezmann në mbrëmjen e tij, Atletico fiton Europa League

Nga: Kemajl Goca Më: 16 maj 2018 Në ora: 20:29
Foto nga ndeshja

Atletico Madridi është fitues i Europa League në futboll. Skuadra spanjolle në finale triumfoi me rezultat 3:0 kundër Marseille-s, në ndeshjen finale që u zhvillua në stadiumin "Parc Olympique" në Lyon, ku ishin të pranishëm 58.000 shikues. Trim i mbrëmjes është reprezentuesi i Francës, Antoine Griezmann, duke shënuar dy herë në portën e skuadrës franceze Marseille. 

Griezmann u shqua me lojën e tij dhe ishte i pakapshëm për mbrojtjen e Marseille-s. Në minutën e 21-të, Griezmann realizoi nga rreth 12-13 metra, duke shfrytëzuar një gabim trashanik të mbrojtjes së Marseille-s. Dimitri Payet u largua nga fusha në minutën e 32-të, për shkak të një lëndimi dhe kjo sado kudo ndikojë në lojën e Marseille-s. 

Përkundër reshjeve të dendura të shiut, kjo fare nuk i pengojë të dyja skuadrat që të dëshmojnë lojë të fortë dhe nuk munguan edhe rastet. Në minutën e 49-të, mbrojtja e Marseille-s u tregua naive dhe nga kjo ka përfituar më së miri i disponuari Griezmann, i cili nga afërsia e parabolloi me top trupin e portierin Mandanda, 0:2.

Në minutat vijues, Marseille u përpoq me mundësitë e saja, por pa efekt, pasi që Atletico mbrohej dhe menaxhon lojën në tërësi. Skuadra franceze ka qenë e pafat kur zëvendësuesi Konstantinos Mitroglou goditi me kokë nga rreth 9-10 metra, por për fat të portierit Oblak topi u ndalë në shtyllën pingule. Në minutën e 83-të, nga rreth 19 metra Amavi goditi fortë, por Oblak me mund të madh shpëtoi portën e Atleticos. 

Një minutë (89') pa përfunduar takimi, kapiteni Gabi nga afërsia me një gjuajtje të fortë vulosi fitoren për 3:0. Trajneri i Atleticos, Diego Simeone sikurse në qiellin e shtatë, me lojtarët e tij festoi triumfin e madh në Europa League, kurse Marseille lëshoi një mundësi të mirë.

Statistikat:

Marseille-Atletico 0:3

Stadiumi "Parc Olympique", Lyon.

Shikues:58.000.

Gjyqtar: B. Kuipers (Holanda).

Shënues: Griezmann (21' e 49'), Gabi (89').

Kartonat e verdhë: Amavi, Gustavo, N'Jie - Vrshalko, Lucas.
Marseille: Mandanda, Sarr, Rami, Luiz Gustavo, Amavi, Zambo Anguissa, Sanson, Thauvin,

Payet (Lopez 32'), Ocampos (N'Jie 55') dhe Germain (Mitroglou 74').

Atletico: Oblak, Vrshalko (Juanfran 46'), Gimenez, Godin, Lucas, Correa (Thomas 88'), Gabi, Saul, Koke, Griezmann (Torres 90') dhe Costa.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test