Me kureshtje pritet ballafaqimi i 22 qershorit mes Zvicrës dhe Serbisë, në kuadër të grupit E të Kampionatit Botëror – “Rusia 2018”. Zvicra ka në petkun e saj shqiptarët, si Granit Xhaka, Xherdan Shaqiri, Valon Behrami dhe Blerim Xheamili. Në portalin kroat, “index.hr’, është publikuar deklarata e futbollistit Xhaka. “Serbia është një kundërshtar i pakëndshëm. Në këtë moment nuk mund të premtoj asgjë përveçse do të luajmë deri në kufi të dhimbjeve ekstreme. Do të vdesim për fitoren”, ka thënë Xhaka. Mesfushori ofensivë shqiptar premton maksimumin me shokë në grupin E dhe të sigurojnë kualifikimin.
