Klubi i futbollit Renova nga dita e djeshme edhe zyrtarisht nisi përgatitjet për kampionatin e ri në Ligën e Parë të Maqedonisë. Shefi i ri stafit teknik Jeton Beqiri njoftoi futbollistët me plan programin e punës për tre fazat përgatitore. Java e parë e përgatitjeve do të jetë javë e organizimit në të gjitha aspektet që ka të bëjë me konsulidimin e ekipit. Ndërsa nga 2 korriku ekipi do të jetë i kompletuar me një mas të madhe dhe do të punohet me seriozitetin më të lartë.
“Gjithçka është e paraparë sa i përket ndeshjeve kontrolluese dhe sa i përket fazës përgatitore. Nga data 10 deri më 22 korrik, do jemi në Ohër, ku kemi parapa edhe tre ndeshje kontrolluese, pastaj do kemi këtu edhe ndeshje kontrolluese para kampionatit. Gjithashtu dy ndeshje kemi të planifikuara para udhëtimit në Ohër” deklaroi Jeton Beqiri, trajner i KF Renova
Sa i përket fondit të lojtarëve nga skuadra janë larguar Temelkovi, Cvetanovski, Liridon Iljazi, Mexhit Neziri dhe Stefan Kostov, ndërsa drejtuesit e klubit janë duke bërë përpjekje për të sjell disa futbollist cilësor.
“Normalisht në mënyrë intensive kryesia e klubit në bashkëpinim me mua jemi duke biseduar dhe duke bërë kontakte me futbollist të ndyshëm të cilët do afrohen te Renova. Gjithashtu bisedohet edhe me futbollist të cilët u ka skaduar kontrata. Me një mas të madh shumica e tyre do mbeten disa do largohen”. tha ai
Me ekipin e paraëqë në përgatitje janë të ftuar edhe katër futbollist të ri nga shkolla e futbollit si Valon Bilalli, portieri Arijan Iseni, Albion Velija dhe 15 vjeçari i talentuar Alban Taipi nga i cili pritet shumë.
“Me punë dhe përkushtim shpresoj që të zhvillohem sa më shumë si lojtarë dhe të krijoj ahpat e para si profesionist. Nëse tregoj punë dhe sukses çdo gjë është e mundurë ” deklaroi Alban Taipi futbollist i KF Renova.
Duke pasur para sysh përvojën e kësaj skuadra dhe duke u bazuar në pretendimet për të sjell përforcime cilësore mund të shpresohet se ekipi në kampionatin e ri mund të pretendeon për pjesën e epërme të tabelës.