Ylli algjerian do të jetë përforcimi i radhës për Pep Guardiolan.
Riyad Mahrez i shumë kërkuar nga Manchester City, Riyad Mahrez pritet që gjatë javës të nënshkruajë me kampionët e Premier Ligës.
Sipas Sky Sports, marrëveshja ende nuk është arritur por palët kanë avancuar në bisedime dhe Leicester Cityt i pëlqen oferta prej 68 milionë eurove për futbollistin algjerian.
Nëse gjithçka shkon sipas parashikimeve, Mahrez do të kryejë testet mjekësore në fund të javës, para se të prezantohet si futbollist i ri i “Citizens”.
