Axel Witsel e ka arritur qëllimin e tij në kampionatin kinez.
Mesfushori belg iu bashkua skuadrës Tianjin Quanjin dy vite më parë nge Zenit St Petersburg.
Dy vite në Kinë dhe 32 milionë euro në llogari. Jo keq për një 29-vjeçar që kishte pagë vjetore prej 16 milionë eurove tek Tianjin.
Tani Witsel ka vendosur të rikthehet të luajë në Evropë, sigurisht për një pagë shumë fish më të ulët.
Interesim për lojtarin ka shfaqur gjiganti gjerman Borussia Dortmund që po këmbëngul për transferimin e tij.
Por jo vetëm verdhezinjtë, pasi Witsel është edhe objektiv i kampionëve aktual të Francës, Paris Saint Germain.
Ish-anëtari i Zenitit, Benficës e Standartit mund të luaj edhe në kampionatin anglez.
Burnley dhe Everton janë dy skuadrat që gjithashtu po interesohen për transferimin e tij.
Kontrata aktuale e Witsel me Tianjinin skadon në dhjetor të vitit të ardhshëm.
