Agim Cana ka qenë prej futbollistëve më të mirë që ka pasur Kosova. Në një ndeshje ai nuk ka mundur t’i kontrollon emocionet sidomos para 35 mijë shikuesve në stadiumin e qytetit në Prishtinë pikërisht me 9 qershor të vitit 1985, në kuadër të javës së 30-të të Ligës së Parë federative të ish Jugosllavisë. Prishtina fitoi me rezultat 2:0 kundër Vardarit nga Shkupi, me golat e Rafet Prekazit (45’) e Zoran Batroviqit (75’-nga penalltia), shkruan “Bota sot”.
Shkrimi i gazetës "Rilindja", me 10 qershor të vitit 1985
Prishtina plot 85 me një lojtar me pak poshtëroi Vardarin e Darko Pançevit. "Loja më e mirë e Prishtinës në këtë pranverë. Do të mbahet mend një kohë të gjatë ndeshja e djeshme, të cilën futbollistët e Prishtinës e fituan, bindshëm edhe pse kundërshtarë kishin Vardarin, njërin nga kandidatët për plasman që siguron pjesëmarrjen në Kupën UEFA-s. Do të mbahet mend gjatë dhe për nga fakti se këtë ndeshje Prishtina e fitoi duke luajtur me dhjetë lojtarë prej minutës së pestë, prej çastit kur referi Vlaiq ia tregoi kartonin e kuq Agim Canës, i cili nuk qe në gjendje të frenojë emocionet e tendosura dhe, pa top e shqelmoi Simonovskin.
Do të mbahet mend kjo ndeshje, se Prishtina, e dobësuar numerikisht, krijoi raste të volitshme shënimi, praktikisht me shumë se në të gjitha ndeshje tjera”, kështu shkruante mes të tjera në raportin e tij në gazetën e asaj kohe “Rilindja”, gazetari, i ndjeri Burim Hatipi. Në fakt, Agimi është babai i ish futbollistit të mirënjohur Lorikut.
