Përcaktohet stadiumi dhe ora e ndeshjes së Superkupës së Shqipërisë mes Skënderbeut dhe Laçit. Në njoftimin e Federatës Shqiptare të Futbollit shkruhet se takimi mes kampiones dhe njëkohësisht fitueses së Kupës së Shqipërisë dhe finalistes së Kupës do të zhvillohet në Tiranë (Selman Stërmasi”), të dielën, më 12 gusht, në orë 19:45.
Superkupa shënon startin e sezonit të ri në futbollin shqiptar, ndërsa një javë më pas do të luhet java e parë e Kategorisë Superiore, ku spikat përplasja mes Skënderbeut dhe Partizanit.
