Chelsea ka kompletuar transferimin e portierit Kepa Arrizabalaga nga Athletico Bilbao për një shumë rekorde prej 80 milionë euro.
23 vjeçari ka nënshkruar kontratë shtatë vjeçare, për t’u bërë portieri numër një i ‘Bluve’ pas largimit të Thibaut Courtois.
Marrëveshja për Kepa tejkalon rekordin e Liverpool të vendosur pak ditë më parë me portierin Alisson Becker.
“Është një vendim shumë i rëndësishëm për mua, për karrierën time, dhe për jetën time personale”, ka deklaruar Kepa.
“Shumë gjëra më kanë tërhequr te ky klub, filluar prej titujve të fituar, lojtarët, qyteti dhe Premierliga”.
“Është një bashkim i shumë gjërave, dhe unë jam shumë i kënaqur që Chelsea ka vendosur të më besoj mua”.
