Shqiptarët e Shkupit ballëlart nga Kratova

Futboll

Shqiptarët e Shkupit ballëlart nga Kratova

Më: 13 gusht 2018 Në ora: 11:03
Pamje nga ndeshja

Skuadra e futbollit Shkupi e ka filluar sezonin e ri futbollistik me barazim në Kratovë ndaj skuadrës së Sielksit 1:1. Shkupi e filloi mirë, duke kontrolluar lojën dhe rastin e parë e kishte që në minutën e shtatë me kanosjen e parë nga Bllazhe Ilijoski, ndërsa vetëm dy minuta më vonë, edhe futbollisti i ri i Shkupit, Suhejl Muharemi kishte rast. Në minutën e 18-të, përsëri 17 vjeçari Muharemi ishte para portës, por mbrojtja vendase largoi kanosjen. Edhe në minutën e 31-t, Muharemi ishte në qendër të vëmendjes, me një goditje nga distance që përfundoi në duart e portierit.

Sileksi pa asnjë rast konkret erdhi deri te avantazhi, kur në minutën e 35-t, një rast shumë i dyshimtë referi Meçkarovski me ndihmësin e tij akorduan penalti, të cilën në gol e shndërroi Essengue. Me këtë rezultat u shkua në pushim.

Shkupi pjesën e dytë e filloi edhe më i sigurtë dhe më ashpër. Stojkoski në minutën e 57-t u kanos me goditje, ndërsa më pas edhe Broja e bëri të njëjtën, por portieri nikoqir Stefanoviq nuk lejoi të tundet rrjeta e tij. Menjëherë në aksionin e radhës, Ermedin Adem që kishte karton të verdhë ndëshkohet me të dytin për të marr automatikisht të kuqin, me çka Shkupi mbeti me 10 lojtarë. Përkundër kësaj skuadra bardh e kaltër luajti shumë mirë dhe me shumë karakter kontrolloi më shumë se 30 minuta pa një futbollist.

Pas disa rivënieve nga këndi, në minutën e 70-të, një prej futbollistëve të Sileksit luajti me dorë, që referi Meçkarovski të akordon në pikën e bardhë, ndërsa Ilijoski arrin që ta shndërrojë në gol të barazimit.

Deri në fund Shkupi jo vetëm që arriti të mbrohet, por vazhdoi të kërkojë edhe golin e fitores, por duke mos arritur ta bëjë atë.

Ndeshjen e radhës Shkupi është nikoqire në Çair, kur do të pret Akademija Pandevin.

Shkupi: Zendeli, Tipuriç, Bilali, Muaremi (Veliu ’74), Broja, Ndong, Krivanjeva (Zango  ’46), Ilijoski, Vujçiç, Stojkoski (Jahja ’90), Adem.

Sileksi: Stefanoviq, Bllagojeviq, Drashkoviq, Duranski, Mbella, Millosavjeviq (Aleksovski ’62), Ristovski, Essengue (Grozdanoski ’82), Mileknkovski, Panovski, Dodev (Desniq ’71).

Liga e Maqedonisë

Rabotniçki-Renova     3:4

Shkëndija-Vardari       2:2

A. Pandev - Makedonija GP 2:1

Pobeda-Bellasica         1:0

Sileksi-Shkupi   1:1

Tabela

1. Renova  1       1       0       0       4:3    3

2. A. Pandev       1       1       0       0       2:1    3

3. Pobeda  1       1       0       0       1:0    3

4. Vardari  1       0       1       0       2:2    1

5. Shkëndija       1       0       1       0       2:2    1

6. Sileksi   1       0       1       0       1:1    1

7. Shkupi   1       0       1       0       1:1    1

8. Rabotniçki      1       0       0       1       3:4    0

9. Makedonija GP       1       0       0       1       1:2    0

10. Bellasica       1       0       0       1       0:1    0

Sot mund të lexoni Shfletoni kopertinat