Arsenali e pret në shtëpi rivalin e qytetit, West Hamin, në kuadër të Premierligës, ndeshja fillon prej orës 16:00.
Ozil nuk do të jetë pjesë e skuadrës për shkak që nuk ka stërvitur me ekipin si pasojë e gripit që ka pasur gjatë këtyre tre ditëve të fundit.
Unai Emery e ka konfirmuar formacionin zyrtare për të tentuar fitoren e parë në ligë, pasi në dy ndeshjet e para ka pësuar disfatë nga Manchester City dhe Chelsea.
Në formacionin bazë është rikthyer Aaron Ramsey, ndërsa përsëri nuk e ka futur nga fillimin Lucas Torreiran, i cili erdhi nga Sampdoria gjatë kësaj vere për 35 milionë euro.
Dyshja shqiptare, Shkodran Mustafi dhe Granit Xhaka, startojnë nga minuta e parë.
Nga ana e West Hamit është Jack Wilshere, i cili do të ballafaqohet kundër ekipit të fëmijërisë pasi u largua gjatë kësaj vere si transferim i lirë.