Reprezentuesi i Kosovës, Donis Avdijaj, me një teknikë të përsosur, me një mjeshtri të rrallë shënon dy gola për fitoren e thellë 5:0 të Willem II në përballje me Heracles-in, në javën e tretë të Kampionatit të Holandës.
Avdijaj ka qenë në formë të lartë, i cili në minutën e 26-të, me aq gjakftohtësi e mjeshtri nga rreth 15 metra dërgoi goditje të fortë e në këndin e majtë të portierit Blaswich, 1:0. Pas tre minutave (29’) Avdijaj sërish në skenë, kësaj radhe nga afërsia tundi portën e rivalit, 2:0.
Tri gola tjerë i realizoi futbollisti Sol (34’, 52’-nga penalltia e 70’). Avdijaj luajti i plot, u ndëshkua me karton të verdhë në minutën e 41-të.
Willem II është në pozitë e katërt me 6 pikë, kurse Heracles katër pozita më poshtë me 4 sosh. Avdijaj shënoi golat e parë në elitën e futbollit holandez.
