Skuadra e Luzernit duke iu falënderuar shqiptarit Idriz Voca siguroi fitoren si mysafirë me rezultat 1:0 kundër St. Gallenit, në ndeshjen e javës së pestë të Kampionatit të Zvicrës. Futbollisti Voca dëshmoi angazhim të pashoq dhe me golin e tij Luzerni u kthye me tri pikë që nuk maten as me ari. Në minutën e 55-të, Voca u gjend më së miri në një tollovi afër portës dhe me mjeshtri goditi, duke shënuar për fitoren e madhe.
Në minutën e 66-të, Voca u ndëshkua me karton të verdhë. Thuni dhe Lugano u ndanë baras, me rezultat 1:1. Eris Abedini dhe Valon Fazliu luajtën në pjesën e dytë për Luganon, nga minuta e 56-të përkatësisht e 77-të. Në minutën e 52-të, Karlen shënoi për Thunin dhe Daprela për Luganon (51').
Derbi shqiptar mes Zurich-ut dhe Baselit përfundoi me rezultat 1:1. Taulant Xhaka asistoi për golin e epërsisë së Baselit. Xhaka bëri veprim të mirë dhe asistoi deri te Campo kur shënoi në minutën e 39-të.
Vendasit barazuan përmes Modou në minutën e 76-të. Xhaka dhe Albian Ajeti u paraqitën titullarë, ky i fundit u zëvendësua në minutën e 78-të, kurse Hekuran Kryeziu, Mirlind Kryeziu, Benjamin Kololli e Toni Domgjoni, luajtën standardë për Zurich-un. Domgjoni u largua nga fusha në minutën e 87-të dhe Kololli në atë të 90-tën.
Liga e Zvicrës
Grasshoppers-Sion 2:1
Young Boys-Xamax 5:2
St. Gallen-Luzern 0:1
Thun-Lugano 1:1
Zurich-Basel 1:1
Tabela
1. Young Boys 5 5 0 0 15
2. Basel 5 2 2 1 8
3. Zurich 5 2 2 1 8
4. Thun 5 2 1 2 7
5. St. Gallen 5 2 1 2 7
6. Sion 5 2 0 3 6
7. Luzern 5 2 0 3 6
8. Lugano 5 1 2 2 5
9. Grasshoppers 5 1 1 3 4
10. Xamax 5 1 1 3 4
