Zvicra publikon listën për ndeshjet e muajit shtator, katër shqiptarë të grumbulluar, por mungon Behrami dhe Xhemaili

Futboll

Zvicra publikon listën për ndeshjet e muajit shtator, katër shqiptarë të grumbulluar, por mungon Behrami dhe Xhemaili

Më: 1 shtator 2018 Në ora: 09:51
Në listë mungojnë dy futbollistët shqiptarë që dhanë shumë për këtë ekip kombëtar si Valon Behrami dhe Blerim Xhemaili.

Përfaqësuesja e Zvicrës ka grumbulluar listën e lojtarëve të ftuar për dy ndeshjet e radhës.

Helvetikët do të luajnë në muajin shtator ndaj Islandës dhe Anglisë në kuadër të Ligës së Kombeve.

Trajneri i Zvicrës, Vladimir Petkovic për këto dy takime ka grumbulluar 24 futbollistë.

Në listë mungojnë dy futbollistët shqiptarë që dhanë shumë për këtë ekip kombëtar si Valon Behrami dhe Blerim Xhemaili.

Megjithatë numri i shqiptarëve nuk mund të bije, pasi Petkovic përsëri ka grumbulluar katër lojtarë.

Xherdan Shaqiri dhe Granit Xhaka janë aty si gjithmonë, ndërsa është rikthyer edhe Admir Mehmedi që ka lënë mbrapa lëndimin e pësuar.

Risi në këtë grumbullim është sulmuesi i talentuar i Baselit, Albian Ajeti.

Në rast se Ajeti aktivizohet në njërën nga dy ndeshjet, atëherë ai nuk do të mund të luaj më për Kosovën ose Shqipërinë.

Ndeshjen e parë Zvicra e zhvillon kundër Islandës më 8 shtator, ndërsa të dytën ndaj Anglisë, tri ditë më vonë.

commentFirst article
Sot mund të lexoni Shfletoni kopertinat