Skuadra e Gjilanit regjistron fitoren e dytë rresht në Kampionatin e Kosovës. Gjilanasit me rezultat minimal 1:0 e mundën Trepçën ’89, në ndeshjen e javës së tretë. Vendasit triumfuan me golin e Cesar në minutën e 32-të. Mitrovicasit patën rast ideal për ta barazuar rezultatin në fillim të pjesës së dytë (58’) kur për ta u akordua penallti, mirëpo, Mircevski nuk shënoi meqë Kaçiu priti tentimin e tij. Kështu Gjilani fiton tre pikë dhe ngjitet në pozitën e tretë me 6 pikë, kurse Trepça ’89 bie në vend të 11-të me 1 pikë.