Ajet Shosholli dhe Shefqet Sinani ishin në Shtabin Teknik të KF Prishtinës, në kohën e pavarësimit të futbollit të Kosovës nga ai serbosllav. Shosholli kryetrajner e Sinani ndihmëstrajner, dy emra që nuk harrohen, që ishin pjesë e pavarësimit të futbollit tonë.
Atëkohë kryetar i KF Prishtinës ka qenë Beqir Aliu, ndërsa sfidën e parë e luajtën me Flamurtarin e Prishtinës dhe pësuan humbje me 3:2, në kuadër të javës së parë të kampionatit të Pavarur. Pas 27 viteve sërish së bashku, por kësaj radhë në festimin e 27-vjetorit të nismës së Ligës së pavarur.