Në tetor 2004, teksa Barcelona po luante përballë Espanyol, vendosi që të bënte një ndryshim në formacion dhe hodhi në fushë Lionel Messi-n.
Në atë moment, lindi një legjendë e futbollit spanjoll, por edhe atij botëror.
Tani, 442 ndeshje më vonë dhe një numër të pafund arritjes personale, ylli argjentinas do të shtojë në listën e tij një tjetër rekord. Në ndeshjen përballë Girona, 31-vjeçari do të shndërrohet në lojtarin me më shumë paraqitje në La Liga, i cili thyen rekordin e vendosur nga Dani Alves.
Në 15 sezone radhazi, ai ka fituar 320 ndeshje, numëron 66 barazime dhe 37 humbje, ku dhe ka shënuar 386 gola, duke u bërë golashënuesi më i mirë në historinë e Kampionatit Spanjoll.
Në ndeshjen me Girona, fituesi i 5 herë të Topit të Artë, do të thyejë rekordin e vendosur nga Dani Alves. Bardhë e kuqtë, nuk kanë kujtime të mira nga Messi, i cili u ka shënuar dy herë në ndeshjen ku humbën me rezultatin 6-2.
Tashmë, me një trajner të ri në krye, Barcelona do të synojë sërish vetëm fitoren, dhe nuk duket të jetë shumë e vështirë për katalanasit që të marrin 3 pikët e nevojshme.