Federata Angleze e Futbollit ka deklaruar se ka nisur një hetim në lidhje me gjestin që trajneri portugez Jose Mourinho ka bërë pas ndeshjes Manchester United-Newcastle luajtur në “Old Trafford” dhe fituar me përmbysje 3-2 nga “djajtë e kuq”. Pas përfundimit të takimit, Mourinho ka dalë nga fusha e lojës duke bërë një gjest me gishtin e vogël dhe duke folur në gjuhën portugeze.
FA ka deklaruar se do të hetojë këtë veprim të trajnerit të Manchester United pas ndeshjes, pasi fjalët e thëna në gjuhën portugeze mund të jenë fyese. Ende nuk dihet se çfarë ka thënë trajneri Jose Mourinho dhe se çdo të thotë ai gjest, veprime që portugezei i ka bërë në një moment kritik të karrierës së tij, pasi United nuk po kalojnë një moment të mirë në kampionat.
