Anglia ka fituar në Spanjë për herë të parë pas 31 vitesh. Lojtarët e Southgate kanë fituar 3:2 ndeshjen e vlefshme për javën e katërt të Nations League. Një rezultat ky që ka qenë i vështirë për t’u shpjeguar nga trajneri Luis Enrique.
“Kemi luajtur shumë keq në pjesën e parë, duhet ta pranojmë”, ka thënë ish-trajneri i Barcelona-s. “Kemi bërë shumë gabime individuale. Ishte një humbje e rëndë”.
“Është shumë e vështirë të shpjegosh atë që ndodhi në 90 minuta. Penalltia kundër Pickford? Është shumë e vështirë të bësh arbitrin dhe të vendosësh në një sekondë. Ishte e rëndësishme për Anglinë që ata nuk e panë penalltinë, ky është futbolli”, tha Enrique.