Topçinjtë kërkojnë të përforcojnë krahun e majtë.
Arsenali po konsideron mundësinë për ta transferuar Alberto Morenon në afatin kalimtar të verës.
Spanjolli që është pjesë e Liverpoolit, do të jetë lojtar i lirë në përfundim të stinorit, pasi ka vendosur mos ta vazhdojë kontratën me ekipin nga Anfield.
Përveç Arsenalit edhe Barcelona e Real Madridi janë interesuar për 26-vjeçarin, duke u nisur nga fakti se nuk do të paguajnë para për blerjen e tij.
Mirëpo sipas The Mirror , Arsenali është në avantazh, pasi Moreno ka punuar me trajnerin Unai Emery edhe në kohën kur ka qenë pjesë e Sevillas.
Moreno i është bashkuar Liverpoolit në vitin 2014 dhe deri tani ka regjistruar 134 paraqitje në të gjitha kompeticionet.
