Reprezentuesi i Kosovës, Valon Berisha dhe ai i Shqipërisë, Thomas Strakosha, me Lazion u kthyen me tri pikë të mëdha. Lazio i shkaktoi humbje me rezultat 2:0 Parmës, në ndeshjen e javës së 9-të të Serie A në futboll.
Strakosha startoi nga minuta e parë dhe Berisha u aktivizua nga minuta e 57-të. Immobile (81’- nga penalltia) e Correa (90+3’) shënuan për fitoren e Lazios, e cila ngjitet në vend të tretë me 18 pikë, kurse Parma renditet i dhjeti me 13 sosh.