Në mungesë të mbrojtësve të majtë, Unai Emery vendosi që sonte në këtë pozitë të startojë me Stephan Lichtsteiner.
Pas 60 minutave lojë, Emery vendosi ta zëvendësojë mbrojtësin zviceran me Pierre-Emerick Aubameyang, i cili shënoi dy golat e fitores.
Por, a e dini se kush e mbajti krahun e majtë të mbrojtjes për 30 minutat e fundit të lojës?
Këtë detyrë deri në fishkëllimën e fundit të gjyqtarit e mbajti mesfushori prishtinas, Granit Xhaka.
Përveç se e kreu punën e tij siç duhet në mesfushë, Graniti impresionoi edhe në krahun e majtë të mbrojtjes.
Pas ndeshjes, reprezentuesi zviceran postoi në Instagram, e në komente u paraqitë bashkëlojtari i tij te Zvicra, Johan Djourou, i cili e përgëzoi Granitin për pozitën e re.