Sulmuesi argjentinas i Interit, Mauro Icardi, kishte qenë pjesë e akademisë së famshme të Barcelonës, La Masia, në vitin 2008. Megjithatë, ai nuk arriti të tregohet i suksesshëm dhe rezulton se arsyeja për këtë gjë është bashkëkombësi i tij, Lionel Messi.
Pep Guardiola, trajner në atë kohë i Barcelonës, ishte duke tentuar ta kthente Messin në një 9-sh të rremë, dhe kishte kërkuar që edhe trajnerët në akademinë e Barcelonës ta përdornin këtë sistem.
Gazetari Jaume Marcet ka thënë se Icardi nuk përshtatej mirë me këtë rol dhe nuk ishte rehat me detyrat që i kërkoheshin t’i bënte në La Masia.
“Ai nuk dukej plotësisht rehat në ndeshje. Ai nuk bënte lidhje të mira me lojtarët e tjerë dhe mbetej prapa. Ai e ofronte një rol më statik dhe në atë kohë, atij i kërkohej të lëvizte më shumë, gjë që nuk mund ta bënte”, ka thënë Marcet.
“Ndoshta ai nuk ishte i përgatitur për këto detyra sepse kishte karakteristika të tjera”.
Meqenëse Icardi nuk ishte i lumtur me rolin e tij në klubin katalonas dhe vendosi të largohej nga aty. Ai u transferua në Sampdoria në vitin 2011, ku shënoi gol në debutimin e tij për këtë klub. Para se të shitej në vitin 2013 në Inter, për 6.5 milionë euro, Icardi arriti t’i shënojë 33 gola për Sampdorian.