Sulmuesi francez kishte kërkuar gjatë verës të largohej nga “Djajtë e Kuq”.
Anthony Martial ka refuzuar ofertën e Manchester United për rinovimin e kontratës.
Gjatë kësaj vere, francezi kishte kërkuar të largohej, por ishin drejtuesit e klubit ata të cilët dolën kundër një vendimi të tillë, duke e mbajtur Martial në Old Trafford.
Për të mos lejuar largimin e 22-vjeçarit, pasi kontrata e tij përfundon më 2019 me opsion për një tjetër vit, drejtuesit i kanë ofruar një marrëveshje të re, e cila nuk është pranuar futbollisti.
Sipas SkySports, Martial kërkon një kontratë më afatgjate e cila do t’i siguronte atij që tek United ende kanë besim në të.
Bisedimet mes të dyja palëve do të vazhdojnë edhe në muajt në vazhdim.
