Florentino Perez do që të japë një goditje përfundimtare, sa më shpejt të jetë e mundur. Presidentit nuk i pëlqen aspak kjo që po ndodh këtë sezon dhe ka mundësinë që ta ndryshojë situatën në merkaton e janarit.
Florentino e ka të qartë që problemi nuk qëndron vetëm te stoli. Përveç ndryshimit të trajnerit, është i nevojshëm edhe një revolucion në skuadër. Ai e di se në janar nuk do të ketë shumë mundësi zgjedhjesh, por ka shumë opsione në mëndje.
I pari është nënshkrimi i një qendërsulmuesi. Real Madrid nuk mund të qëndrojë kaq shumë ndeshje pa shënuar. I nevojitet një vrasës në zonën e rreptësisë dhe i përzgjedhuri nuk është askush tjetër veçse Mauro Icardi.
Sulmuesi i Interit, ka kohë që gjendet në listën e klubit madrilen. Icardi do të ishte i lumtur të vinte në “Bernabeu” dhe Real-i do të përpiqet ta transferojë për 100 milionë euro.
Një pozicion tjetër që duhet të përmirësohet është ai i mbrojtësit të majtë. Marcelo nuk është në momentin e tij më të mirë dhe ekziston ende kërcënimi i Juventusi-t, që e do në Torino. Kështu, Real Madrid do të studiojë mundësinë për të marrë David Alaba.
Austriaku do të shkonte në Bernabeu për 50 milionë euro dhe do ta rriste jashtëzakonisht shumë cilësinë e skuadrës. Shkurtimisht, Perez ka bërë gati 150 milionë euro në janar për të përmirësuar një skuadër që deri më tani nuk duket se është në gjendje të luftojë për tituj.