Bayerni triumfon edhe në Mainz, Borussia “ngec” ndaj Herthës së Berlinit - Bota Sot
Bayerni triumfon edhe në Mainz, Borussia “ngec” ndaj Herthës së Berlinit

Futboll

Bayerni triumfon edhe në Mainz, Borussia “ngec” ndaj Herthës së Berlinit

Më: 27 tetor 2018 Në ora: 19:10
Bayerni i Mynihut

Bayerni i Mynihut i rikthehet normalitetit, teksa bavarezët kanë regjistruar fitoren e dytë radhazi në kampionat, këtë herë ia dolën të fitonin në transfertë kundër Mainz në shifrat 1-2.

Një ndeshje ku ekipi i Kovaç vinte si favorit, por gjithsesi dueli ishte delikat pasi vendasit kërkonin pikë. Sidoqoftë, fillimi i ndeshjes ishte i qetë, ku Bayern dukshëm u shfaq më kërkues, por në krahun tjetër Mainz mbrohet mirë.

Gjithsesi mbrojtja e vendasve mundi të rezistonte deri në min e 39, me Gorezkën që i dha epërsinë skuadrës bavareze. Në fraksionin e dytë, Mainz jep shënja jetë. Në të 48-ën Butis shtang portën e Bayernit dhe arrin të rikthejë ekuilibrat. Rezultati është i papranueshëm për kampionët e Gjermanisë dhe dukshëm rrisin presingun në kërkim të golit të fitores.

Një top i humbur nga ana e vendasve, shfrytëzohet mjaft mirë nga nga Lewandowski, i cili shërben në qendër dhe Alcantara që shënon golin e dytë për të tijtë.
Minutat e mbetura u përcollën me ankth nga të dy ekipet me Bayern që kërkonte të ruante avantazhin dhe Mainz të rrëmbente një barazim. Përpjekjet nuk rezultuan efikase, teksa ekipi i Kovaç ia del të largohet më 3 pikë, duke siguruar kështu fitoren e dytë radhazi.

Ndërkohë Borussia Dortmund nuk arriti të ruajë serinë e rezultateve pozitive, pasi nuk shkoi më shumë se një barazim 2-2 në shtëpi, përballë Herthës së Berlinit. Sancho shënoi dy herë për verdhezinjtë, ndërsa Salomon Kalou riktheu baraspeshën në të dy rastet për miqtë nga Berlini.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...