Mesfushori kroat, Ivan Rakitiç foli pas triumfit ndaj Realit të Madridit, ku tregoi se skuadra e shijoi shumë këtë fitore. Sipas Rakitiç nuk është e lehtë që skuadra të fitojë, kur nuk është Messi në fushë.
“E shijuam shumë këtë ndeshje. Por të luash në këtë mënyrë, nuk është aspak e lehtë, sidomos kur nuk është Leo Mesi në fushë. Ne ia dolëm dhe kjo na bën t’i themi Messit që të jetë i qetë, të rikuperohet mirë dhe pastaj të rikthehet. Nuk di të them cili ishte momenti më i mirë i ndeshjes, por nga fillimi në fund e dominuam. Më vjen keq për Messin”.