Për shkak të pakënaqësisë anëtari i kryesisë së KF Liria Salajdin Fanaj ka dhënë dorëheqje nga kryesia e KF Liria.
Në letrën e dorëheqjes që ia ka dorëzuar kryesisë ai shkruan:
Unë Salajdin Fanaj , anëtar i kryesise së KF “Liria”, nga sot më 28.09.2018, jap dorëheqje të pakthyeshme, nga kjo pozitë.
Arsyetim: Ka kohë që bëjë kërkesa lidhur me përmirësimin e gjendjes në Klubin “Liria”, sepse po shihet ecuria e keqe në klub! Mirëpo kërkesat po hidhen poshtë, pa ndonjë arsyetim…
Kryetari informatat i mban për vete, dhe neve na mban të izoluar, me gjasë ato i ndanë me disa eprorë të tij, që i ka jashtë klubit…
Mbahen mbledhjet, e aty as nuk mbahet procesëverbal, as nuk dihet rendi i ditës, as nuk ka ndonjë vendim me arsyetim.
Duke e parë këtë gjendje të keqe, e të cilën unë nuk po mundem me e ndryshue për arsyen që Kryetari i klubit, është i ngurtë dhe s’pranon ide të reja e përparimtare,
unë jam kyçur që të bëhen reforma në klub, ato s’po ndodhin…
Këto janë disa arsye , e ka edhe shumë të tjera që do i përmendi në një rast tjetër,
Andaj nga sot unë nuk jam pjesë e këtij dështimi, që origjinën e ka nga e kaluara, e që papërgjegjësia, dhe paaftësia e Kryetarit të Klubit nuk po jep shenja për reforma!, shkruan Salajdin Fanaj.