Roma ka shënuar fitore të rëndësishme në Rusi duke e mundur CSKA Moskën me rezultat 1:2 në ndeshjen e fazës grupore të Ligës së Kampionëve.
Ka ardhur edhe fitorja e tretë për Romën në Ligën e Kampionëve, që ka mundur në udhëtim rusët e CSKA.
Konstantinos Manolas në minutën e 4’ shënoi për epërsinë e parë të Romës.
Vendasit barazuan në minutën e 51’ me anë të Arnor Sigurdsson.
Fitoren Romës ia siguroi Lorenzo Pellegrini, që shënoi në minutën e 59’ për 1:2.
Me këtë fitore, Roma numëron nëntë pikë dhe renditet në vendin e parë në grupin G, në pritje të ndeshjes Plzen – Real Madrid.
