Futbollisti amerikan pëlqehet nga trajneri Maurizio Sarri.
Deklarata e fundit e talentit të Borussia Dortmund, Christian Pulisiq, se do t’i pëlqente të luante në Premier Ligë, ka ngjallur interesimin e disa klubeve angleze.
E para që është hedhur menjëherë në sulm, është skuadra e Chelseat, të cilët janë të gatshëm ta transferojnë amerikanin në Stamford Bridge.
Edhe gjatë verës që lamë pas Chelsea kishte shprehur interes për 20-vjeçarin, por Dortmundi nuk ka dashur të dëgjojë asnjë ofertë për të.
Përveç klubeve angleze, Pulisiq ndiqet me shumë interes edhe nga Real Madridi, por preferenca e tij për të luajtur në Angli duket se për momentin i favorizon skuadrat e Premier Ligës.
