Sulmuesi portugez po kalon formë të mirë në ekipin andaluzian.
Andre Silva do të jetë një futbollist i Sevillas për shumë vite.
Sulmuesi portugez i cili për momentin luan në formë huazimi nga Milani te klubi andaluzian do të blihet përfundimisht nga Sevilla.
Paraqitjet e shkëlqyera të Andre Silvas me skuadrën e trajnerit Machin kanë bërë që drejtuesit e Sevillas të binden për të blerë kartonin e sulmuesit portugez.
Drejtuesit e Sevillas tashmë ia kanë bërë të qartë qëndrimin e tyre Milanit duke u bërë të ditur se shumë shpejt do të blejnë në mënyrë përfundimtare Andre Silvan për 35 milionë euro.
