Shumë gjëra mund të vendosen në ndeshjet e sotme të Championsit.
Grupet E, F, G dhe H sot zhvillojnë duelet e xhiros së pestë në Ligën e Kampionëve.
Roma e pret Real Madridin në sfidën që do të vendosë se kush do të marrë kryesimin e Grupit G. Të dy ekipet kanë nga nëntë pikë dhe në Olimpico pritet të vendoset se kush do të jetë i pari në fund. Ndeshja tjetër e këtij grupi luhet në mes CSKA Moskës dhe Viktoria Plzen.
Juventusi që i mjafton një barazim me Valencian për të kaluar grupin kërkon të marrë tri pikët për siguruar pothuajse edhe vendin e parë të Grupit H. Ndërsa në Old Trafford, Manchester United e pret Young Boysin.
Manchester City kërkon t’i revanshohet Lyonit për humbjen që ekipi francez ua kishte shkaktuar në Etihad në ndeshjen e parë. Skuadrës së Pep Guardiolas edhe barazimi ia siguron kualifikimin tutje.
Në Grupin E, Bayern Munich e pret Benfican dhe synon që me një fitore të kualifikohet në 1/8 e finales, derisa Ajaxi në Greqi do të ndeshet me AEK-un e Athinës.
