Sulmuesi i Barcelonës, një ndër më të mirët në botë, mund të ketë fituar shumë trofe dhe çmime gjatë kësaj dekade, por Lionel Messi është ambicioz, dëshiron edhe më tepër sukses.
Ai ka folur për objektivat e tij në një aktivitet të Unisports dhe Adidas, duke treguar hapur perspektivat në rritje për suksesin.
“Qëllimi im kryesor është të rritem dhe jo të mjaftohem me çfarë kam bërë, fituar apo arritur deri tani. Dua të përmirësohem çdo ditë dhe të përmbush më shumë objektiva dhe të fitoj më shumë tituj. E konsideroj vetën shumë konkurrues, dua të fitoj gjithçka dhe nuk më pëlqen të humbas gjë.”
Numri 10, gjithashtu ka folur për pozicionin e tij dhe si u zhvillua nga fokusi primar vetëm për të shënuar deri më sot.
“E shoh veten time më shumë si një lojtar që kontrollon lojën, që përfshihet shumë në mbajtjen e topit dhe që e shoh vetën më shumë sesa një golashënues.”
Në fillim të sezonit, Messi bëri komente ambicioze duke parashikuar se Barcelona do të fitonte Champions League-n në sezonin 2018-2019.
