Shembet Cërvena Zvezda e Beogradit në "San Paolo"! Zvezda humb të gjitha shpresat për vend të dytë, pësoi nokaut nga Napoli, duke u gjunjëzuar me rezultat 3:1, në ndeshjen e xhiros së pestë (e parafundit) e grupit C të kualifikueseve në Champions League. Futbollistët napolitanë u angazhuan aq sa iu nevojitej për të marrë tri pikë dhe tani prijnë me 9 pikë në grup. Në minutën e 11-të,Marek Hamsik hap serinë e golave, shënon për 1:0, kurse Dries Mertens shton epërsinë e Napolit, 2:0 pikërisht në minutën e 33-të. Në pjesën e dytë përkatësisht në minutën e 52-të, klubi italian trefishoi epërsinë në 3:0 fal golit të Dries Mertens, që ishte i dyti personal gjatë kësaj sfide. Në minutën e
57-të, El Fardou Ben shënon për Zvezdën dhe ngushton humbjen në 3:1.
Shqiptari Elseid Hysaj inkuadrohet në lojë në minutën e 46-të për Napolin dhe bëri lojë shumë të mirë, duke iu gëzuar fitores së madhe. Në stadiumin "Parc des Princes" në Paris, PSG fiton derbin e grupit, me rezultat 2:1 kundër Liverpoolit, duke iu revanshuar për humbjen në "Anfiled" me 3:2. Në minutën e 13-të, kampioni i Francës, PSG, kalon në epërsi me golin e Juan Bernat. Vendasit me një lojë të mirë shënojnë edhe golin e dytë, në minutën e 37-të, kur Neymar ka qenë i saktë. Në fund të pjesës së parë "Redsat" ngushtojnë humbjen në 1:2, ku James Milner nga penalltia ka qenë i saktë. Në minutën e 77-të, ylli nga Kosova, Xherdan Shaqiri futet në lojë në vend të Milnerit dhe u angazhua maksimalisht, por pa sukses që të barazojnë rezultatin. Porto në vatër të vet ka qenë shumë e fortë dhe e mposhti me 3:1 Schalke 04. Golat i shënuan: Eder Militao (52'), Jesus Manuel Corona (55') e Moussa Marega (90+4') për Porton dhe Bentaleb (88' nga penalltia) për Schalken. Tottenham e mundi me 1:0 Interin, duke iu falënderuar golit të Christian Eriksen në minutën e 80-të. Barcelona kthehet me tri pikë, duke e mundur me 2:1 PSV-në. Lionel Messi shënoi në minutën e 61-të e Gerard Pique në atë të 70-tën dhe për vendasit Luuk de Jong në atë të 83-tën.
Atletico Madrid, Dortmund, Barcelona, Bayerni, Ajaxi, Manchester City, Real Madrid, Roma, Juventus dhe Manchester Utd janë kualifikuar në të tetën e finales.
Grupi A
Atletico-Monaco 2:0 (2:0)
Dortmund-Club Brugge 0:0 (0:0)
Tabela
1. Atl. Madrid 5 4 0 1 12
2. Dortmund 5 3 1 1 0
3. Club Brugge 5 1 2 2 5
4. Monaco 5 0 1 4 1
Grupi B
Tottenham-Inter 1:0 (0:0)
PSV-Barcelona 1:2 (0:0)
Tabela
1. Barcelona 5 4 1 0 13
2. Tottenham 5 2 1 2 7
3. Inter 5 2 1 2 7
4. PSV 5 0 1 4 1
Grupi C
Napoli-C. Zvezda 3:1 (2:0)
PSG-Liverpool 2:1 (2:1)
Tabela
1. Napoli 5 2 3 0 9
2. PSG 5 2 2 1 8
3. Liverpool 5 2 0 3 6
4. Cërvena Zvezda 5 1 1 3 4
Grupi D
Porto-Schalke 3:1 (0:0)
Lokomotiva (M)-Galatasaray 2:0 (1:0)
Tabela
1. Porto 5 4 1 0 13
2. Schalke 5 2 2 1 8
3. Galatasaray 5 1 1 3 4
4. Lokomotiva 5 1 0 4 3
***
PSV zvogëlon rezultatin në minutën e 83-të, përmes Luuk de Jong.
80' Tottenham avancon me 1:0 ndaj Interit, duke iu falënderuar golit të Christian Eriksen.
77' Xherdan Shaqiri futet në lojë në minutën e 77-të, në vend të James Milner.
70' Gerard Pique fundos PSV-në, shënon për 0:2 për Barcelonën.
61' Kush tjetër, Lionel Messi shënon për Barcelonë dhe udhëheq në fushën e PSV-së, 0:1.
57' El Fardou Ben shënon për Zvezdën dhe ngushton rezultatin në 3:1.
55' Jesus Manuel Corona thellon epërsinë e Portos, 2:0.
52' Skuadra portugeze Porto sjellë gëzim të madh te tifozët, Eder Militao shënon për epërsinë e skuadrës së tij me 1:0 ndaj Schalke 04.
52' Napoli shemb klubin serb, Dries Mertens shënon golin e dytë të tij dhe të epërsisë 3:0.
51' Ndryshime nuk ka te rezultateve, janë ato të pjesës së parë.
45+2' Liverpooli ngushton rezultatin në 2:1 përmes penalltisë që e konkretizoi futbollisti James Milner.
37' Liverpoolit nuk i shkon në Paris, është në pozicion shumë të vështirë. Neymar thellon epërsinë në 2:0 të PSG-së. Me një fjalë parisienët po nxjerrin hak ndaj Liverpoolit për humbjen me 3:2 në Anfiled
33' Napoli po e shpartallon Zvezdën. Futbollisti Dries Mertens shton epërsinë e Napolit, 2:0.
31' Nuk ka ndryshime të rezultatit, as Barcelona ende nuk ka shënuar kundër PSV-ës.
25' Napoli avancon me 1:0 kundër Cërvena Zvezdës, sikurse PSG ndaj Liverpoolit, në ndeshjet tjera s'ka gola.
13' Kampioni i Francës, PSG, kalon në epërsi ndaj Liverpoolit. Autor i golit Juan Bernat.
11' Marek Hamsik godet Clërvena Zvezdën, 1:0.
10' Nuk ka gola as në Londër, as në Paris, as në Dortmund as në Napoli.
4' Nuk ka gola në asnjë ndeshje, të gjitha të luftuara deri me tash.
Grupi C është më i komplikuar se të gjitha grupet tjera dhe vështirë është të dihet se cilat nga skuadrat mund të shkojnë më tej, LIverpooli, Napoli apo PSG. Liverpooli kryeson me 6 pikë, sa ka edhe Napoli dhe ka një më shumë se PSG dhe dy se Cërvena Zvezda e Beogradit.
Xherdan Shaqiri është në bankë, nuk luan nga minuta e parë, kështu e ka pa të arsyeshme trajneri Jugern Klopp. Edhe Tottenhem-Inter është sfidë e nxehtë ani se londinezët hiqen paksa favoritë.
