Real Madrid e ka fituar kryendeshjen e javës së 14-të të La Ligas, kundër Valencias.
Para tifozëve të saj, skuadra nga Madridi shënoi fitore me rezultatin 2:0, shkruan lajmi.net.
Golin e parë në këtë takim e realizoi Daniel Wass në portën e tij, për t’i dhënë epërsinë “Los Blancos” në minutën e 8’ të takimit.
Pjesa e parë u mbyll me këtë rezultat edhe pse ishte Bale që mund ta dyfishonte epërsinë, por Neto bëri një pritje spektakolare.
Në pjesën e dytë “mbretërit” realizuan edhe njëherë në minutën e 83’ me anë të Lucas Vazquez i cili vulosi fitoren dhe rezultatin përfundimtarë.
Me këtë fitore Real ngjitet në kuotën e 23 pikëve, në vendin e pestë, me 3 pikë më pak se Sevilla që është lidere dhe dy më pak se Barcelona që është në vendin e dytë.
