Manchester City ka shënuar fitore në ndeshjen kundër Bournemouth, me rezultatin 3:1.
Megjithatë, kjo fitore nuk kishte vetëm vlerën e tre pikëve për trajnerin Pep Guardiola.
Ai, me këtë fitore të realizuar sot, ka prekur shifrën e 400 fitoreve në karrierën e tij.
Gjeniu spanjoll numëron plot 179 fitore me Barcelonën, ku ndër to kishte fituar edhe Ligën e Kampionëve dy herë.
Me Bayern Munich, Guardiola numëron 124 fitore, ku ishte i pa konkurrentë në Bundesliga.
Me skuadrën nga Manchester, trajneri spanjoll ka mbërritur sot tek fitorja e 97.
Guardiola padyshim është njëri prej trajnerëve më të mirë në histori. Ai nuk do të ndalet me kaq. Ai ka një karrierë të gjatë përpara vetës.
