Barcelona duket se po planifikon zëvendësimin e Luis Suarezit.
Kështu të patktën shkruan e përditshmja angleze, “Daily Star” e cila raporton se Barcelona po përgatitet që të shpenzojë rreth 220 milionë euro për shërbimet e Harry Kane.
Kjo lë të kuptojmë që katalunasit po kërkojnë për një top sulmues që të mbushin hapësirat që do të lë Luis Suarez, pasi ky i fundit tashmë është në një moshë që nuk i garanton stabilitet për një kohë të gjatë.
Spurs mund të detyrohen të heqin dorë nga top lojtari i tyre, pasi ata do të kenë shpenzime edhe në ndërtimin e stadiumit të ri.
Është bërë tashmë e ditur se ata nuk do të heqin dorë nga Kane për më pak se 175 milionë euro.
Sa i përket transferimit të anglezit në “Camp Nou”, besohet se një lëvizje e tillë mund të kryhet gjatë verës.
Mbetet të shihet nëse raportimet e “Daily Star” do të jenë të qëlluara. Një nga emrat tjerë të përmendur për të zëvendësuar uruguajanin është ai i Roberto Firminos.
